طريقة تحضير الزربيان العدني

ﺍﻟﺨﻄﻮﺓ#1

ﻧﺒﺪﺃ ﺑﺎﻟﺤﻮﺍﻳﺞ ﻭﻫﻲ ﺍﻫﻢ ﺷﻲ:

ﻫﻴﻞ ( ﺗﻘﺮﻳﺒﺎ 10 ﺣﺒﺎﺕ ).

ﻗﺮﻓﺔ ( ﺑﺤﺪﻭﺩ 7 ﻋﻮﺍﺩﻱ ).

ﻗﺮﻧﻔﻞ ( ﻫﺒﺸﺔ ﺑﺎﻟﻴﺪ ).

ﻛﺒﺰﺭﺓ ﻳﺎﺑﺴﺔ ( ﺣﻮﺍﻟﻲ ﻣﻠﻌﻘﺔ ﻃﻌﺎﻡ .

ﻛﻤﻮﻥ ( ﺗﻘﺮﻳﺒﺎ 5 ﻣﻼ‌ﻋﻖ ﻃﻌﺎﻡ ).

ﻓﻠﻔﻞ ( ﻣﻠﻌﻘﺔ ﻃﻌﺎﻡ ).

ﻃﺒﻌﺎ ﻫﺬﻩ ﺍﻟﻤﻜﻮﻧﺎﺕ ﻛﻠﻪ ﺗﻨﻄﺤﻦ ﺑﺎﻟﺨﻼ‌ﻁ ﺣﻖ ﺍﻟﺤﻮﺍﻳﺞ ﻟﻤﺎ ﺗﺮﺟﻊ ﻧﺎﻋﻤﺔ ( ﻣﺘﺠﺎﻧﺴﺔ ﻣﻊ ﺑﻌﺾ ) ..

ﻣﻼ‌ﺣﻈﺔ:

* ﺑﻌﺪ ﻣﺎ ﻧﻜﻤﻞ ﺍﻟﻄﺤﻦ ﺑﺎﻟﻤﻜﻴﻨﺔ ﻧﺨﻠﻴﻬﺎ ﺗﺒﺮﺩ ﻗﻠﻴﻞ ﻗﺒﻞ ﻣﺎ ﻧﺨﺒﻴﻬﺎ ﺑﺎﻟﻘﺎﺭﻭﺭﺓ ﻋﺸﺎﻥ ﻣﺎﺗﻤﺴﻜﺶ ﺭﻃﻮﺑﺔ *

ﺍﻟﺨﻄﻮﺓ#2

ﻫﻨﺎ ﻧﺤﺘﺎﺝ ﻟـ:

1- ﺑﺼﻞ (ﺣﻮﺍﺕ ﺣﺒﺔ ﻣﺘﻮﺳﻄﺔ).

2- ﺛﻮﻣﺔ (ﺗﻘﺮﻳﺒﺎ 8 ﺍﻟﻰ 9 ﻓﺼﻮﺹ).

3- ﻗﻠﻴﻴﻴﻞ ﻣﻲ.

ﻧﻘﻮﻡ ﺑـ:

- ﻭﺿﻌﻬﻢ ﺑﺎﻟﺨﻼ‌ﻃﺔ ﻭﻧﻄﺤﻨﻬﻢ .. ﻧﺨﻠﻴﻬﻢ ﻣﺶ ﻧﺎﻋﻤﻴﻦ ﻛﺘﻴﺮ، ﻳﻌﻨﻲ ﺣﻠﻮ ﻟﻮ ﻛﺎﻥ ﻓﻴﺒﻬﻢ ﺣﺒﻮﺏ ﺣﺒﻮﺏ ﻗﻠﻴﻞ!

- ﺍﻟﻤﻲ ﻛﻤﻴﺘﻪ ﺣﻮﺍﻟﻲ 2\1 ﻛﻮﺏ، ﻋﺸﺎﻥ ﺍﻟﻤﺰﻳﺞ ﻣﻴﻜﻮﻧﺶ ﺗﻘﻴﻞ ﻣﺮﺓ ﻭلا ﺧﻔﻴﻒ ﻃﺮﻃﺮﺓ (سائل) ..

ﺍﻟﺨﻄﻮﺓ#3

ﻧﺤﺘﺎﺝ ﻫﻨﺎ ﻟـ:

1- ﺑﺼﻞ ﻣﻘﻄﻊ ﺷﺮﺍﺋﺢ ﻧﺺ ﺩﺍﺋﺮﻳﺔ (ﺣﻮﺍﻟﻲ ﺣﺒﺔ ﻭﻧﺺ ﺑﺼﻞ - ﺣﺠﻢ ﻣﺘﻮﺳﻂ).

2- ﺻﻠﻴﻂ ﻟﻠﻘﻠﻲ.

ﻧﺠﻴﺐ مقلاة و:

- ﻧﺨﻠﻲ الصليط ﻳﺤﻤﻲ ﺗﻤﺎﻡ ..

*ﻧﺠﺮﺏ ﺍﻧﻪ ﺣﺎﻣﻲ ولا ﻻ‌ﺀ ﻋﻠﻰ ﺷﺮﻳﺤﺔ ﺑﺼﻞ* ..

- الآن ﻟﻤﺎ ﻧﺠﻲ ﺑﻨﺴﻜﺐ ﺍﻟﺒﺼﻞ، ﻧﺒﻌﺪ ﻭﺟﻮﻫﻨﺎ ﻣﻦ ﺍﻟﻤﻘﻠﻰ ﻻ‌ﻧﻪ ﺑﻴﻔﻮﺵ (بيطلع لفوق) + ﻧﺴﻜﺐ ﺍﻟﺒﺼﻞ ﻋﻠﻰ ﻗﻠﻴﻞ ﻗﻠﻴﻞ ﻻ‌ﻧﻪ ﺍﻟﺼﻠﻴﻂ ﻗﺪ ﻳﻄﻠﻊ ﻟﻔﻮﻕ ..

- ﻧﺠﻠﺲ ﻧﻘﻠﺐ ﺍﻟﺒﺼﻞ ﻋﺸﺎﻥ ﻣﺎﻳﺤﻤﺮﺵ ﻣﻦ ﺟﻬﺔ ﻭﺟﻬﺔ ﻻ‌ﺀ ..

ﺍﻟﺨﻄﻮﺓ#4

ﺩﻣﺞ ﺍﻟﺤﺎﺟﺎﺕ ﻣﻊ ﺑﻌﺾ:

- ﻧﺸﻞ ﺍﻟﻠﺤﻢ (ﺑﻌﺪ ﻣﺎﻧﻐﺴﻠﻪ) ﻭﻧﻄﺮﺣﻪ ﺑﺪﺳﺖ ﺍﻟﻀﻐﻂ ..

ﻧﺴﻜﺐ ﺍﻟﺒﻄﺎﻁ ﺍﻟﻤﻘﻄﻊ ﻷ‌ﻧﺼﺎﺹ ﺩﺍﺧﻠﺘﻪ ﻭﻧﺴﻜﺐ ﺍﻟﺨﻄﻮﺓ #1 ﻭ الخطوة#2

ﻭ- الآن .. ﻧﺴﻜﺐ ﻗﻄﻴﺐ (زبادي) ﺣﻮﺍﻟﻲ ﻗﺮﻃﺎﺱ ﻛﺒﻴﺮ (ﻋﻠﻰ ﺣﺴﺐ ﻛﻤﻴﺔ ﺍﻟﻠﺤﻢ) ﻓﻮﻕ ﺍﻟﻠﺤﻢ ﻭﻧﺨﺮﺑﻄﻪ ﻣﻊ ﺑﺎﻗﻲ ﺍﻟﺤﺎﺟﺎﺕ ..

- في ﺍﻟﺨﻄﻮﺓ#4 ﻧﺴﻜﺐ (نضيف):

1- ﺯﻋﻔﺮﺍﻥ.

2- ﺯﻧﺠﺒﻴﻞ (ﺑﻮﺩﺭﺓ).

3- ﻟﻴﻤﻮﻥ (ﺑﻮﺩﺭﺓ).

4- ﻣﻠﺢ.

5- ﻣﻲ ﻗﻠﻴﻞ (ﺣﻮﺍﻟﻲ ﻗﻠﺼﻴﻦ).

6- ﺻﺒﺎﻍ ﺣﻖ الأكل (ﺍﺣﻤﺮ).

7- ﻗﻠﻴﻞ ﺻﻠﻴﻂ ﻣﻦ ﺣﻖ ﻗﻼ‌ﻳﺔ ﺍﻟﺒﺼﻞ ..

- الآن ﺑﻌﺪ ﺍﻟﺨﺮﺑﻄﺔ، ﻧﺴﻜﺐ اللي بـ ﺍﻟﺨﻄﻮﺓ#3

ﻭﻧﺠﻴﺐ ﻗﺸﺮﺓ ﺑﺼﻞ ﻭﺣﺒﺔ ﻧﺎﺭﺓ (ﺟﻤﺮﺓ) ﻧﻄﺮﺣﻬﺎ ﻓﻮﻕ ﺍﻟﻘﺸﺮﺓ ﻭﻧﺴﻜﺐ 3 ﻧﻘﻂ ﺻﻠﻴﻂ ﻋﺸﺎﻥ ﻳﺘﺒﺨﺮ ﺍﻟﺰﺭﺑﻴﺎﻥ ..

*ﻧﻐﻄﻲ ﺑﺴﺮﻋﺔ ﻋﺸﺎﻥ ﻣﺎﻳﺨﺮﺟﺶ ﺍﻟﺒﺨﻮﺭ ﻟﺒﺮﻉ*

- الآن ﻧﺨﺮﺝ ﺍﻟﻘﺸﺮﺓ ﻣﻊ ﺍﻟﻨﺎﺭﺓ ﻭ ﻧﻐﻄﻲ ﺍﻟﺪﺳﺖ ﺣﻖ ﺍﻟﺰﺭﺑﻴﺎﻥ ﻛﻤﺎ ﺍﻟﻨﺎﺱ ﻭﻧﻄﻠﻌﻪ ﻓﻮﻕ ﺍﻟﻨﺎﺭ ..

ﺑﻌﺪﻳﻦ ﻟﻤﺎ ﻳﺨﻤﺪ ﺍﻟﻠﺤﻢ:

اولاً ﻧﺸﻮﻑ ﺍﺫﺍ ﻓﻲ ﻣﻲ ﻛﺜﻴﺮ ﺑﺎﻟﻠﺤﻢ ﻧﻨﺸﻔﻪ ﻗﻠﻴﻞ ﻋﻠﻰ ﺍﻟﻨﺎﺭ ﻭ ﺍﻟﺪﺳﺖ ﻣﻔﺘﻮﺡ ..

ﻃﺒﻌﺎً ﻧﻜﻮﻥ ﻗﺪ ﻓﻮﺭﻧﺎ ﺍﻟﺮﺯ ﻭ ﻧﺸﻔﻨﺎﻩ ﻣﻦ ﺍﻟﻤﻲ ﺣﻘﻪ ..

الآن ﻧﺴﻜﺐ ﺍﻟﺮﺯ ﺩﺍﺧﻞ ﺍﻟﻠﺤﻢ (ﺍﻛﻴﺪ ﺑﻴﺒﻘﻲ ﺑﺎﻗﻲ ﻣﻦ ﺍﻟﺮﺯ، ﻧﺨﻠﻴه ﻋﻠﻰ ﺟﻤﺐ) ..

ﻧﻠﺼﻲ ﺣﺒﺔ ﻧﺎﺭ (ﺟﻤﺮﺓ) ﻭﻧﺨﻠﻴﻬﺎ ﻓﻮﻕ ﻗﺸﺮﺓ ﺑﺼﻞ ﻭﻧﺴﻜﺐ ﺻﻠﻴﻂ ﻗﻠﻴﻞ ﻋﺸﺎﻥ ﻳﺘﺒﺨﺮ ﻭﻧﻐﻄﻴﻪ ..

- - - - - - - - - - - - - -

طريقة الغرف (التقديم):

ﻧﺴﻜﺐ ﻟﻠﺼﺤﻦ ﺭﺯ ﺍﺑﻴﺾ ﻗﻠﻴﻞ ﻭﻧﻐﻠﻖ ﻣﻦ ﺍﻟﺮﺯ ﺍﻟﻠﻲ ﻣﻊ ﺍﻟﻠﺤﻢ .. ﻭﺍﻛﻴﻴﺪ ﻧﻐﺮﻑ ﻣﻌﻪ ﺍﻟﺒﻄﺎﻁ ﻭ ﺍﻟﻠﺤﻢ.

ﺍﺣﻠﻰ ﺷﻲ ﺑﺎﻟﺰﺭﺑﻴﺎﻥ ﻫﻲ ﺍﻟﺤﻮﺍﻳﺞ ﺍﻟﻠﻲ ﺑﺪﺳﺖ ﺍﻟﻀﻐﻂ ﺗﺤﺖ ﺍﻟﻠﺤﻢ ~

اللي يحب الزربيان يسوي مشاركة ❤

ويرسل لأصحابه عشاق الزربيان عشان يشوفوا ❤❤

حقوق الطبخة محفوظة لـ #Adani_dish