(طريقة تحضير الكير (رز مع الحليب

المقادير:

1.رز ( الكمية على حسب الرغبة ).

2.لبن بودرة.

3.نشا ( احتياط فقط، اذا استدعى الأمر ).

4.سكر.

5.جوز مدقوق.

6.فستق مطحون + لوز صنعاني مقشر و مطحون.

7.مي.

الطريقة:

- نبدأ اول شي نصفي الرز تمام ونخليو مبلول بمي نضيف حوالي ساعة او ساعة ونص ..

- الآن، نجيب كمية من المي لتجهيز الطبخة ( تكون كافية لكمية الرز اللي بينسكب فوقها ) ونطرح المي فوق النار يحمي ..

- بزيما المي يحمي، نطحن الرز بالمكينة (الخلاطة) لما يكون دقيق بس مش كتير ..

- نسكب كمية السكر المطلوبة - يكون الحلى حقه مناسب للأكل وعلى حسب الرغبة حق الشخص نفسه - و الرز فوق المي الحامي ونراعي للرز لما يخمد تقريباً ..

ملاحظة:

لما نسكب الرز، نستمر بتحريك الرز داخل المي عشان ما يمسكش تحت ويحرق ..

- ونحنا نحرك الرز، نجيب مي وندوب فيبه اللبن البودرة ( يعني نخلطة بالمخبط حق اليد ) ..

- نتفاقد الرز ونشوفه اذا خمد، نسكب اللبن و نستمر بالتحريك للرز و اللبن ..

- نضيف الجوز + اللوز داخل الخليط ونستمر بالتحريك لما نشوفه جمد قليل وبدأ يفور ( لانه لما بيبرد بيجمد زايد ) ونطفي الشولة (النار) ..

ملاحظة:

الخليط يجمد على حسب نوعية الرز، اذا ما جمدش عليك ممكن تستخدم الطريقة الاحتياطية (النشا) ..

- بعد ماطفينا الشولة، نجيب مطايب ونبدأ نسكب الـكير ومن فوق نرش الفستق المحون ..

وبالهنا و الشفا لكم جميعا ❥❥

حقوق الطبخة محفوظة لـ #Adani_dish